Chreisu

Kreisel kontinental

Züri, Gösge, Rüäderswiu
Romanshorn Saint Imier
Basel, Bümpliz, Truäbschache, Bieu
überau plant der Vercheer

wetsch de irgendwohi faare
chasch der Biär u Schnaps grad schpaare
mit em Charre dräisch rundum
bis s’de i de Bire brummt

Chreisu rundum
gängum Chreisu
niäne Chrüzig
gängum Chreisu
du dräisch di
bi däm Rösslischpiiu
bügsch suber ab
de chunsch as Ziu

Chreisu rundum
rundum Chreisel
niäne Chrüzig
rundum Chreisu
nid rächts vor links
s’isch links vor rächts
und machsch das fausch
de isch es lätz

Faarsch i Chreisu mit vüu Muät
isch aues eifach, s’geit scho guät
viu Regle chasch der eifach schpaare
wiu au diä glichi Richtig faare

Nume bi dä Angusachse
da vergeyt der jedes Lache
ir fausche Richtig muäsch uff d’Schpur
verchert u lätz, das macht mi suur
i ha mi de no niä getrout
Roundabout Roundabout

Chreisu rundum
gängum Chreisu
niäne Chrüzig
gängum Chreisu
du dräisch di
bi däm Rösslischpiiu
bügsch suber ab
de chunsch as Ziu

Chreisu rundum
gängum Chreisu
Theo Lingen
Inge Meysu
s’isch rächts vor links
nid links vor rächts
und machsch das fausch
de isch es lätz

Chreisu rundum
gängum Chreisu
niäne Chrüzig
gängum Chreisu
s’isch rächts vor links
nid links vor rächts
mach das nid fausch
süsch tätschts

Wie findsch das?
[Total: 2 Durchschnitt: 5]
Was meinsch du derzuä?

Dini Mailadrässe wird nöd veröffentlicht. Bitte alli Fälder uusfülle. Merci.

Gschpannt bliibe