uff em Arbetsamt do sizt d’Frau Merz
me chan nid säge sie heig äs Härz
chan froo sy dass i Schwiizer bin
will mit dä Jugos isch si schlimm
einmol pro Wuche muäss i ga
am Morge punkt achti und derna
bewirb ich mich sez alles in Sand
dänn so verlangts halt s’Arbetsamt
Doch jez wird’s guät jez isch s?perfäkt
i by jez imne Arbetsloseprojäkt
en Sozi hett?s uff 15 Lüüt
und wenn i sägg, das nütz doch nüt
denn sägeds i heb kei Geduld
und überhaupt seig i ganz sälber tschuld
drumm isch äs gschyder i halt dä Rand
und demonschriir demit Verschtand
i gang go schtämple
i dörf go schtämple
bald bin i uusgschtüürt und s’isch verdammt
denn chum i den vom Arbets- zum soziale Amt
denn schriibets dä Verwandte, i würde nüt meh nütze
und verlanget Schtüüruswis sy müeset my unterschtütze
Mit mim Daddy hani Lämpe und au mit em Unggle Fritz
und eigeti find i das alls, än zimli grose Witz
doch jez wirds gut jez isch s’perfäkt
i by jez imne Arbetsloseprojäkt
Sälbschvertraue erfolgrych bewärbe
Kürsli bsuäche, gäg dys Verderbe
und mein ich dänn das nützt doch nüt
dänn sägez mer hey bisch nid gschyd
Au für dich tuet sich äs Türli uuf
drumm isch äs gschyder i halt dä Rand
und demonschtriir halt dä Verschtand
i gang go schtämple
i dörf go schtämple
i weiss genau i bin vom Fänschter wägg
i weiss genau i by de letschti Dräck
I weiss genau i han käi Schanse meh
i weiss genau mit sächzgi hesch din letschte tschobb jez gsee
doch s’Arbetsamt wills i tuen mich bewärbe
10 mal pro Monet bis i muess schtärbe
doch jez wirds gut jez isch s’perfäkt
i by jez imne Arbetsloseprojäkt
det säget?s mir, schuäl dich doch um
Das isch doch würkli gar nid dumm
en Sozi hett?s uff 15 Lüüt
und mein i dänn hey das nützt doch nüüt
denn säget’s I seg sälber tschuld
und überhaupt i hebi käi Geduld
drum mach i halt das Schpili mit
als Aktionär hett i meh Profit
I gang go schtämple
suuper!!