Züri Hey

Cover Haydi.Rocks

i chume us dä tüfschte Provinz
wo’s nach Chuämischt nume schtinkt
all wo da wohnet kapiäret nüt
was söll i mit so schtiäre Lüüt
nur ich bi kuul und has gnau tschäggt
Züri nur isch das wo fägt
drum schtygi i min tjunte BMW
dä Bappi zalt mer s’Leasing, das rockt ou yeah
bim Zalando bini go shoppe
mis Outfit isch faschd nüme z’toppe
dä Kanton woni här bin zeigi gern ihr müends verschtaa
drum ziän ich mir ezz au no diä wysse Socke aa

mir gönd uf Züri hey
det isch vill besser hey
det isch es schpitz
s’isch waar es isch kän Witz
mir gönd uf Züri hey
det isch es lässig hey
det isch es scharf
will i det kokse darf

s’Kaff woni woone macht uff save
s’git kei Tekkno und kei Rave
s’git nume Treui und kän One Night Stand
Schwuli, Lesbe oder so isch nüüt was dette wänd
Jede Sunntig Burezmorge und faschd kei Rock
nume jöörlich i de Merzwäckhalle Gogo’s Partybox
nai das isch nid das, was i wott
drum faareni uff Züri und das allpott

mir gönd uff Züri hey
det isch vill besser hey
zum Rave gaa
schtani gärn zwei Schtunde aa
mir gönd uff Züri hey
tanze umtschägg umtschägg umtschägg hey
und schlucked Pills
das bring öis ganz schön vill

In Holzwil s’läbe isch kän Wahn
s’git aifach nüt nur äs Bordell ar Autobahn
im Volg da schnättered diä alte Tante
wiä überall het es au äs paar Migrante
für s’Wone bruchts nöd so vill Gäld
derfür bisch voll am Arsch vo derä Wält
s’hät no Chlychind und diä Alte
s’Gmeindhuus, d’Poscht im Nachberkaff diä tüend dä Scheiss verwalte
Nur ich bi Cool Man has gnau tschäggt
Züri nur isch das wo fägt
Züri nur, Züri nur
du fäggsch

Mir gönd uff Züri hey
det isch so lässig hey
da machi mit
und chauf dä beschti Schitt
mir gönd uff Züri hey
da gits äs läde hey
mit pumptem Gäld
häsch meh vo dere Wält
mir gönd uf Züri hey
deet isch so Groovy hey
und Dope häts vill
chasch inenäh was d’willsch

Hey Babe schtiig doch au ii i min geile BMW und dänn mached mer wider mal ä Tuur uff Züri und riisset e Wälle. Verschtasch da isch aifach alles ganz anders und alles isch total guät druff. Du bisch doch au nöd würkli vo geschter oder hä? Oder wettisch am Ändi öppe dä Ueli vom Glunggehof hürate oder? Verschtaasch in Züri isch aifach alles so abgfackt geil, verschtaasch s’hätt ganz anderi Vibes.

Da ischs en Aaschiss.

Wie findsch das?
[Total: 3 Durchschnitt: 4.7]

2 Biiträg zu “Züri Hey

  1. Findest du Zürich wirklich sooo schlimm? Die Lebensqualität hat sich doch in den letzten Jahren deutlich verbessert. Und es gibt dort auch das einzigartige Kulturhaus KOSMOS, welches in Europa seinesgleichen sucht. Oder warst du schon lange nicht in Zürich und es geht dir einfach nur ums Motzen? Wahrscheinlich ist es das.

    1. Zürihegel

      Zürich ist mir nicht geheuer
      das Leben dort ist viel zu teuer
      du, hast mit ’nem bescheid’nen Lohne
      keine Chance dort zu wohnen
      der Espresso ist acht Schtutz
      so ist dein Geld sehr schnell verputzt

      fahr ich am Bahnhof manchmal ein
      und schau mich um, dann sag ich nein
      wenn ich rechts die Klötze seh
      von Fischer, Post und SBB
      in denen auch das ist ein Graus
      nunmehr Big Brother Google haust
      Europaallee heisst’s zu guter letzt
      der Züricher sich überschätzt

      Moral (es geht nicht ohne sie)
      Siehst du Züri flieh, flieh, flieh!

Was meinsch du derzuä?

Dini Mailadrässe wird nöd veröffentlicht. Bitte alli Fälder uusfülle. Merci.

Gschpannt bliibe