Alki

Cover Haydi.Rocks Vögi

i laufe dur d’Schtrass
schnall’s nüme was gaht
es isch näblig und chalt
i füäl mi alt
i bi nid so guät druff
und ii wett is Puff
doch langt’s höchschtens für än Suff
i bi scho wieder schtier
 
 
geschter hends mi useknallt
i seig schtockbsoffe gsy
vo all däm han i nüt meh gwüsst
und s’suffä heig i au nöd zalt
woni pennt han weiss I nöd
es Loch isch i mim Chopf
wiä bin i jez da anecho
ich füäl mi dumm und blöd
 
 
i laufe dur d’Schtrass
und i dänk a dy
s’isch so schön gsy mit dir
i han’s versiecht
i bin sälber tschuld
und i weisses au
doch mach i’s immer glich
iii weiss s’genau
 
 
geschter hesch mer eini knallt
i seig stockbsoffe gsy
heb umekozt hesch es nüme vertreit
mini Süff und mini Gschtalt
Oni Wonig oni Tschobb
wiä n’i läbe isch doch glich
s’inträssiert mi nid und ich muess’s nid ha
was en andre miäch
 
 
i laufe dur d’Schtrass
i schnall’s nüme was gaht
es isch näblig und chalt
i füäl mi alt
i bi nid so guät druff
und i wett is Puff
doch langt’s höchschtens für än Suff
i bi scho wieder schtiär

Wie findsch das?
[Total: 4 Durchschnitt: 5]
Was meinsch du derzuä?

Dini Mailadrässe wird nöd veröffentlicht. Bitte alli Fälder uusfülle. Merci.

Gschpannt bliibe