Fründ

Uff dere Lischte hätts:

Lüüt woni öppediä gsee und i mi immer freue wänn i si triff.

Ganz vill Lüüt woni gärn nach ganz langer Ziit wider mal möcht gsee und wo geils Zügs mached.

Äs paar Lütt woni eigetly nöd känne, aber eifach total lässigi Sache mached.

Und logisch isch sy unvollschtändig. Schriib mer wänn du meinsch äs ghöri suschd na öppis druuf.

Zerscht aber no diä diräkte Dankeschön:

Us aktuellem Aalass ganz wiit obe. Em Mädel und de Jungs vo Hartholz.

Frau Hayduk (erschti Fee) derfür, dass sie mich i letschter Ziit uusghalte hätt.

Dä geniale Ayla Demiroez (zweiti Fee und Professorin i Sache Social Media) dass si gseyt hett: „Tüpp ziä das eyfach dure“.

Root Lee Eppler & em Shüfi LA Disarea us em Züri Oberland.

Diana Zucca, Rocklady us Züri Nord.

Yasemin Yildiz und Familiä. Eyfach diä bescht Familiä woni känn. Dummerwiis wit ab vom Schuss.

Marita Mayer. Ich han mitkriägt, wiä sie Gitarreschtunde nimmt und han dänkt: „Das chan i irgendwiä au“.

Em Gogo Frei wo diä richtige Sache immer uff dä Punkt bringt (wenigschtens faschd immer).

Em Wolfgang Bölke Bortlik für dä Bewiis dass me immer öppis Clevers täggschte oder schriibe chan, egal wiä diä persönliche Fisimatänte grad sind.

Em Hainz Rohrer, wo mer düütlich klargmacht hätt, dass Qualität vo quäle chunnt und me än Rütmus mindeschtens sött dureziä.

Em Otto Hildebrand (richtig schtudiärte Musiker und Dirigänt) für sachlichi Kritik, woni bis ezz nid immer umgsetzt han, aber ich bin draa.

Em Poldi Leypoldt derfür, dass er ä Muätter hätt wo total geil singt.

Und jez gaats zur Linklischte:

Wie findsch das?
[Total: 6 Durchschnitt: 4.8]

2 Biiträg zu “Fründ

  1. Du säg mol?
    Was hätts dänn mit Hartholz uff sich? Chume nöd ganz drus und bin irgendwiä gwundrig?

    1. Hoi mattoz

      da derzuä git’s zimli bald wiiteri Infos.

      Hier rockt Hartholz

      Bliib gschpannt und liäbe Gruäss

      Haydi

Was meinsch du derzuä?

Dini Mailadrässe wird nöd veröffentlicht. Bitte alli Fälder uusfülle. Merci.

Gschpannt bliibe