Songs

Viel Spass!

Da isch mis aktuelle Album haydi.rocks zum Streame oder zum Download.

Tipps zum losä: D’Reihefolg passt so wiä im Player. Ganz wichtig: Das Zügs müessti luut! glost wärde, am beschte mit emene Monschterverschtärcher und dezuäpassende Rieseboxe us dä 70er Jaar vom letschte Jahrhundert.

So isch garantiärt, dass dis Quartier au öppis dervo hätt. Demit würkli alli mitmached, chasch vili Liäder im Untermenu obe under „Songs“ diräkt wähle und abschpile. Döt hets dänn au d’Täggscht derzuä. Me chan also nach Luscht und Luune mitgröhle oder -singe. I Ziite vo Corona und demit verbundener „social distance“ uff jede Fall ä guäti Sach. Das gaat sälbschtverschtändlich au im Zug, im Bus oder im Tram. Im Flugzüüg schtell mer das wäge höche Chöschte für Zusatzgepäck ehnder schwierig vor.

Wänn du aber i gränzeloser Harmoniesucht immer mit allne und überall guät uuscho willsch, chasch natürlich au mit handelsübliche Chopfhörer lose. Isch schliässlich nöd mis Problem, dass du uff dem Wäg niä de Schlüssel zu Erlüüchtige i de Usenandersetzig mit dä Community finde wirsch.Will das Ganze irgendwiä e „soziali“ Komponänte sötti ha, chasch bi faschd allne Siite e Bewertig abgää, oder öppis bi de Kommentär ineschriibe. Das wird vor Veröffentlichung nomol vo mir aagluägt. Ich zensiäre aber nöd.

Wänn du mee über mich wüsse willsch, schneugisch eifach echly uff minere Siite ume, oder du chasch au Frage schtelle. Im Blog schribi mängischd Aktuells zu mir, oder zu Sache wo mer irgendwiä uuffalled.

Mich gits au unregelmässig und nach Luschtprinzip uff Spotify, Facebook, Youtube, Twitter, Instagram und Soundcloud.

Aber zum immer uff em Laufende z’blibe söttisch natürli unbedingt dä offizielli haydi.rocks Newsletter abonniäre
. Also: Claim Haydi!

Blib gschpannt!

21 Jaar früäner hätts übrigens so tönt:

Wie findsch das?
[Total: 33 Durchschnitt: 4.7]
Was meinsch du derzuä?

Dini Mailadrässe wird nöd veröffentlicht. Diä nötige Fälder sind mit * markiert.