ehee Haydi
Haydi Haydi Haydi ooo
ehee Haydi
Haydi Haydi Haydi ooo
Morge feufi schtatt er uuf
vo sälber und kän Wecker bruchts
schnäll zwei Zigis und än Pott
mit schwarzem Kafi was er wott
Dusche tuät er sich hüt schpare
haut jez schleunigscht ab im Chare
am sächsi schtartet d’Morgeschicht
är isch derby ä isch si Pflicht
Dä Morge schtaat dä Cheff scho da
seyt hey Haydi Corona
äs brucht dich nüm muäsch mi verschtaa
drum dörfsch jez grad sofort ga
ehee Haydi
Haydi Haydi Haydi go
ehee Haydi
Haydi Haydi Haydi go
dä Haydi faart jez wider hey
tuät sich besuffe, muäss s’eley
us sinere Wonig useknallt
will är haltnüme Miäti zalt
d’Frau Haydi isch au nüme da
hät gseit “Du Sau” und en verlaa
chlönsch häsch kä Gäld machsch Opfertaktik
ich gang zum Ruedi früsch und knackig
ehee Haydi
Haydi Haydi Haydi go
ehee Haydi
Haydi Haydi Haydi go
doch är wot no immer Schpass
hät no en Abfallsack voll Gras
wetti gärn devo verchaufe
isch bi de Schmiär dänn ineglaufe
hockt uf ‘nem Bänkli Tag für Tag
isch meischt schtockbsoffe s’isch kei Frag
er weiss sälber dass er schtinkt
will er halt key Duschi findt
zu niämertem seyt er äs Wort
schpilt nur immer s’Liäd mit eim Akkord
ehee Haydi
Haydi Haydi Haydi ooo
ehee Haydi
Haydi Haydi Haydi ooo
churz druff abe isch er schnäll krepiert
uff em Sihlfäld händs en dänn kremiert
a d’Beschtattig chunt nöd jede
nur Pfaff, Beamte, Totegräber
du frögsch di was das alles söll
under dä Erde chunt grad d’Höll
dä Haydi tuät im Fägfüür schmore
doch sis Liäd das hätt er nöd verlore
gasch z’Nacht is Sihlfäld bis nöd gschockt
wänns vo tüf tüf unde krachend rockt
ehee Haydi
Haydi Haydi Haydi go
ehee Haydi
Haydi Haydi Haydi go
ehee Haydi
Haydi Haydi Haydi go
ehee Haydi
Haydi Haydi Haydi go
