Schöni Auge

Cover Haydi.Rocks

Mängisch bin i truurig
und mängisch han i Glück
wett mis Läbe sälbscht beschtimme
und weiss dass es nid so isch
und weiss dass es fasch niä so isch

Luäg mi doch mit dine schöne Auge aa
Luäg mi doch mit schöne grüänbrune Auge aa

Voreme Monet hesch du gseit
du haltisch‘s nümme us
überall nur Schtress und Lämpe
und än Tschobb wo nit sy muäss
und än Tschobb wo aifach nit sy muäss
han der gseyt dänn gasch halt jez
vertrau du dine Gfühl
doch wo du dänn gange bisch
hani gmerkt da duss isch chüäl
hani gmerkt da duss isch huäre chüäl

Luäg mi doch mit dine schöne Auge aa
Luäg mi doch mit schöne grüänbrune Auge aa

Jetz hock i da und bin eley
äs s‘goot mer guät eso
nimm no chly vom wisse Pulver
und wirde deby froh
lose dezuä Liäder
vom Lou Reed uff Spotify
s‘chunt mer vor er singt devo
was ich will und was ich mein
was ich will und was ich mein

Luäg mi doch mit dine schöne Auge aa
Luäg mi doch mit schöne grüänbrune Auge aa

Bisch lang scho zäme mitnem guäte Typ
das gönn ich ihm und dir
nur was ich vo dir wüsse will
machsch du no äs Date mit mir?
machsch du am Aabig no äs Date mit mir?

Luäg mi doch mit dine schöne Auge aa
Luäg mi doch mit schöne grüänbrune Auge aa

Hetti no füffzg Schtutz im Sack
dänn chämti ich zu dir
schtiig is Taxi und s‘gaat los
schtan scho bald a dire Tüür
schtan scho bald a dire Tüür
Ich chlopf zweimal du machsch mer uuf
I füäl mi guät bi dir
gib mer ä Zigi gib mer Füür
und dänn bring mer no äs Bier
und dänn bring mer bitte no äs Bier

und

Luäg mi doch mit dine schöne Auge aa
Luäg mi doch mit schöne grüänbrune Auge aa
Luäg mi doch mit dine schöne Auge aa
Luäg mi doch mit schöne grüänbrune Auge aa

No öppis muäss der säge
i wünsche mir eso
du wärsch mini Julia
und ich din Romeo
und ich din Romeo

Wie findsch das?
[Total: 2 Durchschnitt: 5]
Was meinsch du derzuä?

Dini Mailadrässe wird nöd veröffentlicht. Bitte alli Fälder uusfülle. Merci.

Gschpannt bliibe