Schwabezollblues

Cover Haydi.Rocks

S‘isch wider Samschtag und d‘Schwiizer gönd go poschte
das machet‘s nit dihey da het me z‘höchi Choschte
und faaret drum uff Konschtanz oder Singe
das duät de Läde dööt vill guäte Umsatz bringe
dött isches doch nur halb soo tüür
Zrugg git‘s die ganzi Umsatzschtüür

die tütschi Gränze isch gnuäg lang das isch nit mies
än jede chunnt i‘s Iichaufsparadies
Nach Waldshuät, Rhyfälde, Laufeburg, Säckinge
chönt sy ire Iichaufszäddel bringe
au in Lörrach, Gränzach oder Weil
sind d‘Läde alli offe das isch geil

Das isch dä Schwabezollblues
das isch dä Schwabezollblues
das isch dä Schwabezollblues
das isch dä Schwabezollblues
Herr Piefke und Frau Lämpel
alli wänd än Uusfuärschtämpel

Jetzt sind‘s im Lade und äs isch en Gnuss
Än jede tramplet jedem uff dä Fuess
a dä Kasse frögt Frau Oberlin
„wiä goot das mit em Uusfuärschiin?“
Und hinder iire schimpfets unscheniert
will d‘Frau Oberlin das lang nid ganz kapiärt

Äntlich goots in nöchschte Lade
Dä Unkel Herbert feufeachtzgi zwickt es i de Wade
und Tante Vreni drüenünzgi wetti hei
diä beide Chlychind machet jez äs Gschrey
doch eigetli sind diä nur da
demit me no meh chaufe chaa

Das isch dä Schwabezollblues
das isch dä Schwabezollblues
wo jede schtämple muäss
bim Schwabezollblues
dä Herr Müller und d’Frau Janovic
wännd ihre Stämpel und das fix

Jez faarets wieder hei doch s‘Navi weiss es gnau
bi dä Rückreis git‘s zwei Schtund scho Schtau
Und so sind sie voller Wonne
zmitt‘s mit dä andre ir Kolonne
das Warte findet keine toll
dä schuldig isch dä Schwabezoll

Äntli a de Gränze bruchts Geduld
S‘git kei freiy Parkplätz au da sind d‘Schwabe tschuld
Dä Herbert feufedachtzgi schtiigt jetzt z‘mitdrin uus
Mit all dene Fötzle wo me schtämple muäss
Grad uff dä Autobahn, demit es schnäller goot
zum Glück brämsts scharf von hinne suschd wär de Herbert tot

Dä Herbert schtoot am Schalter doch ohjee!
Er nimmt jede Fötzel einzeln us em Portemonnaie
und faltet‘s uuf ganz zittrig Schtück für Schtück
und hett au bi däm Tschobb keis schaurigs Gschick
De Zöllner a däm Schalter dä tuät froge
„Schaffen Sie das heute oder erst morgen“?

d‘Warteschlange wachst jez riisig aa
doch de Herbert chan das nöt verschtoo
und suächt nervös ojee! i sim Portmonnaie
sit gfüälte zää Minute nach sinere ID
und plötzlich schreit vo hinde de Herr Fenner
„Mached fürschi Ihr Beamtepenner!“

Das isch dä Schwabezollblues
das isch dä Schwabezollblues
das isch dä Schwabezollblues
da chunt keine meh drus
Dä Herr Schtäubli und Frau Hilfiker
findet‘s schtämple nit so schwer.

Am Ändi vo däm Schalter da hockt en grüäne Maa
En Schtämpel i dä Hand und für das isch er daa
Er findet‘s nöd so schwär es isch jez halt sin Job
Au wänn‘s Lüüt git wo meinet er seig en Idiot
Nur sälte wird er arrogant und bitter
sin Job en huere Schtress und dä Lohn doch schitter

Für ihn isch s‘Läbe da doch ehnder tüür
und er zahlt im Gägesatz diä ganze Umsatzschtüür
doch wänner poschtet macht er au kän Mucks
wänn en Schwiizer Schtämpler arrogant sich aifach füredruckt
Sälte isch de Wahnsinn z‘viel, nur öppis nimmt en wunder
händ d’Schwizerd’Schwobe oder beid
dä huäre Seich erfunde

Das isch dä Schwabezollblues
das isch dä Schwabezollblues
das isch dä Schwabezollblues
das isch dä Schwabezollblues
das isch dä Schwabezollblues
das isch dä Schwabezollblues

Wie findsch das?
[Total: 2 Durchschnitt: 5]
Was meinsch du derzuä?

Dini Mailadrässe wird nöd veröffentlicht. Bitte alli Fälder uusfülle. Merci.

Gschpannt bliibe